இதுகுறித்து பாகிஸ்தானின் பிரபல சினிமா வினியோகஸ்தரும், கராச்சியில் மிகப்பெரிய சினிப்ளக்ஸ் அரங்கின் அதிபருமான நவாப் சித்திக்கி கூறுகையில், ÔÔஇந்திய சினிமாக்களை திரையிடுவதற்கான அனுமதி சான்றிதழ் வழங்குவதை பாகிஸ்தான் அரசு கடந்த மாதம் நிறுத்தி விட்டது. இதனால் இந்தியாவின் புதிய சினிமாக்களான குண்டாய், ஹசிதோ பாசி போன்ற படங்களை திரையிட முடியாத நிலை உள்ளது. அரசின் நடவடிக்கையால், கராச்சி உள்பட பல்வேறு நகரங்களிலும் வினியோகஸ்தர்கள் பாதிக்கப்பட்டுள்ளனர்ÕÕ என்றார்.கடந்த 2006ம் ஆண்டு பாகிஸ்தான் அரசு இந்திய சினிமாக்களை பெரிய மால்களில் திரையிடுவதற்கு அனுமதி வழங்கியது. இதனால் திரையரங்கு துணை வர்த்தகத்தில் ஏராளமானோர் முதலீடு செய்தனர். ஆனால் கடந்த சில வாரங்களாக இந்திய படங்களுக்கு அனுமதி சான்றிதழ் கிடைக்காததால் வினியோகஸ்தர்களும், வர்த்தகர்களும் கடுமையாகப் பாதிக்கப்பட்டுள்ளனர்.1965ம் ஆண்டு இந்தியா - பாகிஸ்தான் இடையே ஏற்பட்ட போருக்கு பிறகு, கடந்த 40 ஆண்டுகளாக பாகிஸ்தான் அரசு, இந்திய சினிமாக்களுக்கு தடை விதித்திருந்தது. இருந்த போதிலும் ஏராளமான திருட்டு சிடிக்கள் மூலமாக இந்திய சினிமா பாகிஸ்தானில் சக்கைபோடு போட்டது குறிப்பிடத்தக்கது.