இந்திய அணி வெளிநாடுகளில் சென்று தோல்வியடைந்த 11 டெஸ்ட் போட்டிகளுக்கும் தலைமை தாங்கிய அணித்தலைவர் என்ற புதிய சாதனையை டோனி படைத்துள்ளார்.
இதற்கு முன்னர் சௌரவ்கங்குலி, பட்டோடி மற்றும் அசாருதீன் ஆகியோர் தலைமையிலான இந்திய அணி வெளிநாட்டு மைதானத்தில் தலா 10 டெஸ்ட் போட்டிகளில் தோல்வியடைந்த வரலாறே இருந்தது.
இவர்களுக்கு அடுத்த இடத்தில் பிஷன்சிங் பெடி 8 டெஸ்ட் போட்டிகளிலும் கவாஸ்கர், டெண்டுல்கர் தலா 6 டெஸ்டிலும் வெளிநாட்டு மைதானத்தில் விளையாடி தோல்வியடைந்துள்ளன.
நியூசிலாந்திற்கு கிரிக்கெட் சுற்றுப் பயணம் செய்த டோனி தலைமையிலான இந்திய அணி 5 போட்டி கொண்ட ஒரு நாள் தொடரை 4-0 என்ற கணக்கில் இழந்தது.
நியூசிலாந்து அணிக்கெதிரான 2 டெஸ்ட் போட்டித் தொடரில் ஆக்லாந்தில் நடந்த முதல் டெஸ்டில் இந்திய அணி 40 ஓட்டங்கள் வித்தியாசத்தில் தோல்வியடைந்தது.
இந்திய அணி கடைசியாக 2011ஆம் ஆண்டு ஜுன் மாதம் மேற்கிந்திய தீவுகளுக்கு எதிரான டெஸ்டில் 63 ஓட்டங்களால் வெற்றி பெற்றது. அதன் பின்னர் இந்திய அணி இதுவரைக்கும் வெளிநாட்டு மைதானத்தில் வெற்றி பெறவில்லை.
2010ஆம் ஆண்டு தென்னாபிரிக்காவுக்கு எதிரான செஞ்சூரியன் டெஸ்டில் இன்னிங்ஸ் மற்றும் 25 ஓட்டங்களில் தோல்வியடைந்தது.
இங்கிலாந்துக்கு எதிரான 4 டெஸ்டிலும், அவுஸ்திரேலியாவுக்கு எதிரான 4 டெஸ்டிலும் தென்னாபிரிக்கா அணிக்கெதிரான ஒரு டெஸ்டிலும், தற்போது நியூசிலாந்துக்கு எதிரான முதல் டெஸ்டிலும் தோல்வியடைந்துள்ளது.
இவையனைத்தும் டோனி தலைமையில் இந்திய அணி வெளிநாடுகளில் சென்று தோல்வியடைந்த டெஸ்ட் போட்டிகள் என்பது குறிப்பிடத்தக்கது.
Post a Comment